Impila ti Department of Migrant Workers (DMW) dagiti kriminal a darum kontra kadagiti dati a nangato nga opisial ti Overseas Workers Welfare Administration (OWWA) gapu iti kuestionable a ₱1.4 a billion ti balorna a panaggatang iti daga.
Kinuna ni DMW Secretary Hans Leo Cacdac idi Hulio 29 a naidarum iti Office of the Ombudsman ti dati nga administrador ti OWWA a ni Arnell Ignacio, ti dua a dati a deputy administrator-na, ken innem a tattao a paset ti grupo dagiti aglaklako.
Naipila idi Hulio 29, 2025 dagiti kaso para iti panaglabsing iti Republic Act 3019 wenno ti Anti-Graft and Corrupt Practices Act, RA 7080 (Anti-Plunder Act), ken Article 217 ti Revised Penal Code (Malversation of Public Funds), dua a bulan kalpasan a maikkat ni Ignacio iti takemna gapu iti "loss of trust and confidence."
Kinuna ni Cacdac a linabsing ti transaksion a panaggatang iti daga ti sumagmamano a linteg, partikular ti Anti-Graft and Corrupt Practices Act, Republic Act 7080 wenno Plunder Law; ken ti Article 217 wenno pannakapakawan dagiti pondo ti publiko, iti sidong ti Revised Penal Code.
Retirado a heneral, nakemmeg gapu iti panangsugsog a mangtippuog iti gobierno
Segun ken ni Cacdac a bayat ti imbestigasion, natakuatan ti DMW dagiti voucher ken tseke a napirmaan sakbay ti deed of sale, a kinunana nga ad-adda a mangpapigsa iti kaso.
Nagtaud ti kaso manipud iti pananggatang iti 1.5 nga ektaria a daga iti asideg ti Ninoy Aquino International Airport (NAIA) a nairanta para iti pannakaibangon ti half-way house para kadagiti OFW.
Nupay kasta, maibilang a saan a maitutop ti daga wenno ti lokasionna gapu iti kinaasidegna unay iti eropuerto, nangnruna iti runway a mismo. (Marita Moaje/PNA)
