Inyebkas ti abogado a kongresman a ni Manila 3rd district Rep. Joel Chua ti dina pananganamong iti waragawag ti Integrated Bar of the Philippines (IBP) a nangsuportar iti panangideklarar ti Korte Suprema nga unconstitutional ti kaso nga impeachment kontra ken ni Bise Presidente Sara Duterte.
“Diak sarurongan ti Integrated Bar of the Philippines iti statement-na maipapan iti desision (ti Korte Suprema) maipapan iti Duterte v. House of Representatives,” kinuna ni Chua iti statement-na idi Domingo, Agosto 3. "Supiatek gapu ta ti Konstitusion, adda iti ngato ti amin, ti Kongreso, ti Ehekutibo, ken ti Hudikatura. Ti [Kore Suprema], gapu ta isu ti ‘korte ti maudi a pamuspusan,’ ket saanna a masuktan, maipalawa, wenno manayonan ti Konstitusion. Ti kaudian a desisionda maipapan iti impeachment ket talaga a nangsukat, nangpalawa, ken nangnayon iti nalawag unay a sagudayen ti Konstitusion,” innayonna.
Iti pangngeddeng a nairuar idi napan a lawas, winaswas ti Korte Suprema ti pito nga articles of impeachment kontra ken ni Bise Presidente Duterte.
Dagiti impeachment articles--kangrunaanna ti maipagarup a di umisu a pannakausar ti ₱612.5 a milion a gatad ti kompidensial a pondo--ket naibatay iti natakuatan ti panagimbestigar ti Committee on Government and Public Accountability nga indauluan ni Chua bayat ti napalabas a maika-19 a Kongreso.
Phivolcs: Bulkan Mayon, nagtalinaed nga aktibo
Nagtalinaed ni Chua a daulo ti nasao a komite iti agdama a maika-20 a Kongreso.
Maisupadi kadagiti kunkuna ti dadduma maipapan iti procedural impropriety, impaganetget ni Chua a ti Kamara ket nagtignay iti babaen ti eksklusibo a Konstitusional nga autoridadna tapno maiparang ti articles of impeachment.
“Nagtignaykami segun iti maudi a legal a pamuspusan a magun-od dagiti umili a Filipino no salungasingen dagiti kangatuan ken impeachable nga opisial ti publiko ti panagtalek ti publiko,” inggibus ni Chua. (Ellson Quismorio/MB)
