Tapno masigurado ti epektibo a pannakaipatungpal ti baro nga Implementing Rules and Regulations (IRR) ti Anti-Bullying Act of 2013, indagadag ti maysa a grupo ti mannursuro iti Department of Education (DepEd) ita nga aldaw, Agosto 6, nga ipatungpalda koma dagiti kasapulan a pannakarepormar -- mangrugi iti pannakaikabassit dagiti klase ken ti panangalada iti umdas a guidance counselors ken support staff.
Segun iti grupo nga Alliance of Concerned Teachers (ACT), masapul a risuten pay ti gobierno dagiti nabayagen a parikut kas iti workload dagiti mannursuro, kurang nga staff, ken kurang a mental health professionals nga agpaay kadagiti pagadalan.
Kinuna ti ACT a maysa a guidance counselor iti tunggal 14,000 nga estudiante ti national average iti Filipinas, adayo iti rekomendasion iti sangalubongan a maysa a guidance counselor ti agpaay iti tunggal 250 nga estudiante.
Gapu iti daytoy, kiniddawda nga agala pay ti DepEd iti ad-adu a mental health professional a mangipaay iti psychosocial a tulong kadagiti pagadalan.
DOH, namakdaar iti posible a pannakadangran iti Traslacion
Malaksid iti daytoy, inlungalong ti ACT ti Teacher Protection Bill ken patas a pannakaiwaras dagiti rekursos, nangruna kadagiti saan unay a maponponduan ken adayo a pagadalan. (Merlina Hernando-Malipot/Manila Bulletin//Lito Hilidon/Bannawag)
