Ni Gobernador Manuel Ortega.

Immaboten iti ₱6 a bilion ti gatad ti nadadael iti impraestruktura, agrikultura, ken dingo iti probinsia ti La Union gapu iti bagyo nga ‘’Emong’.’

Dua a tattao ti natay ken tallo ti nadunor, segun iti Provincial Disaster Risk Reduction and Management Office (PDRRMO).

Iti situational report a nairuar idi Agosto 2, nailanad nga aggatad iti ₱5,861,135,269. ti nadadael iti impraestruktura, ₱145,599,617.86 iti agrikultura, ₱7,093,770 kadagiti dingo ken taraken a manok.

Mapukpukaw met ti maysa a 25-anios a residente ti San Cornello, Caba, sipud idi Hulio 25. Mapapati a nalmes, nasarakan ti bangkayna iti igid ti karayan idi Hulio 27.

Lokal

Farm specialist iti Abra, napaltogan

Iti ili ti San Juan, pimmusay ti maysa a 12-anios nga ubing a lalaki kalpasan a natupakan iti puon ti mangga iti balayda iti Barangay San Felipe. Tallo a tattao a kabbalayna ti nagsagaba iti minor injuries.

Agdagup iti 27,732 a balay ti nadadael (33,332 a partial a nadadael ken 4,122 ti naan-anay a nadadael).

Naisubli metten ti 70% ti koriente iti probinsia.

Impanamnama ni Gobernador Manuel Ortega ti agtultuloy a tulong kadagiti apektado nga umili ken inkarina a maisubli ti probinsia iti normal iti kabiitan a panawen. (Zaldy Comanda/MANILA BULLETIN)