Segun ken ni Bicol Saro Party-list Rep. Terry Ridon, chairman ti House Committee on Public Accounts, adda kadagiti nagibutaktak iti anti-flood project corruption a mangipaay iti pammaneknek--ken kadagiti espesipiko a nagan (dagiti kongresman a kontraktor)--tapno mapasingkedan dagiti ibagbagada.
Segun kadagiti report, da Senador Panfilo "Ping" Lacson ken Baguio City Mayor Benjamin Magalong.ti agibagbaga kadagitoy nga alegasion.
“Mabalin nga agserbi ti komite (public accounts) a plataporma para kadakuada a mangaramid iti aktual nga akusasion kontra kadagiti lehislador, senador man, kongresista man. No addada a talaga,” kinuna ni Ridon.
Kinunana a no adda dagiti lehislador a maakusaran babaen man ti nagan wenno akem, “maipaay met kadakuada ti isu met laeng a plataporma babaen ti komitetayo.”
Senado, pinasingkedanna ti ₱6.793-trilion a nailian a badiet para 2026
Naiparangarang dagiti proyekto pagkontrol iti layus kalpasan ti nabiit pay a nagsasaruno a bagyo a--a giniddanan pay ti epekto ti "abagat"--nanglayus iti adu a lugar iti pagilian.
Idi napagsaludsodan no mabalin nga irugi ti komitena ti motu proprio nga imbestigasion iti kaadda dagiti maipagarup a kongresman-kontraktor, kinuna ni Ridon a saan a marugian ti kastoy nga imbestigasion no awan ti nalawag a pannakabigbig dagiti nairaman. (Ellson Quismorio/MANILA BULLETIN)
