Binallaagan ti Department of Information and Communications Technology (DICT) ti publiko kontra iti scam a paskil iti Facebook manipud iti peke nga account/page ti Department of Social Welfare and Development (DSWD) a naglaon kadagiti malicious link.
Iti statement-na idi Domingo, Agosto 10, kinuna ti DICT a dagiti link ti paskil ket nairanta a mangtakaw iti personal nga impormasion wenno mangkompromiso iti selpon wenno gadget ti user.
“Idagadagmi iti amin a dida agi-click kadagiti mapagduaduaan a link, mangipaay kadagiti personal a detalye, wenno makipaset kadagiti saan a beripikado nga online post,” kinuna ti DICT.
Imbilin ti DICT iti Cybercrime Investigation and Coordinating Center (CICC) a makikoordinarda a dagus iti Facebook tapno maikkat ti pangallilaw a content. (Raymond Carl Dela Cruz/PNA)
