Natakuatan iti surbey nga insayangkat ti Social Weather Stations (SWS) manipud Hunio 25 agingga 29, a 16.1 a porsiento dagiti pamilia a Filipino ti nakapadas iti panagbisin (ta awan ti makanda), iti sagpaminsan iti napalabas a tallo a bulan.
Segun iti SWS, bimassit iti 3.9 a porsiento manipud iti 20 a porsiento iti napalabas a surbey manipud Abril 23 agingga 28.
Naiwaragawag ti resulta ti surbey idi Agosto 15, a nangipakita a kaaduan ti agbisin iti Metro Manila, ken iti Visayas, nga adda 21.7 a porsiento dagiti pamilia ti nagkuna a nakapadasda iti panagbisin.
Sumaruno ditoy ti Balanced Luzon (ruar iti Metro Manila) nga adda 15.3 a porsiento manipud iti 17 a porsiento, ken Mindanao nga addaan iti 9.7 a porsiento.
Senado, pinasingkedanna ti ₱6.793-trilion a nailian a badiet para 2026
Daytoy a panagbaba ti bilang ti nagbisin ket maigapu iti pannakakissay ti bilang dagiti nagbisin iti Mindanao, nga addaan 26.3 a porsiento idi Abril, ngem nagbalin a 9.7 a porsiento idi Hunio.
Iti naisayangkat a Second Quarter 2025 Social Weather Survey, nasaludsod ti 1,200 a nataengan nga agtawen iti 18 agpangato iti entero a pagilian babaen ti rupanrupa nga interbiu, ket adda 300 a respondent iti tunggal lugar kas iti Metro Manila, Balance Luzon, ti Visayas, ken Mindanao. (Ellalyn De Vera-Ruiz/Manila Bulletin//Lito Hilidon/Bannawag)
