Napan iti Kuwait ni Bise Presidente Sara Duterte idi Biernes, Agosto 15, tapno sarungkaranna dagiti Filipino workers (OFW) sadiay.
Daytoy ti kinompirmar ti Office of the Vice President (OVP) idi Biernes, Agosto 15, ngem impasiguradoda a ti opisial a pannakiumanna ket mayannurot iti agdama a pagalagadan, ken ti kaaddana sadiay ket legal ken maitunos iti annongenna kas opisial ti gobierno.
"Paset ti mandato ti Bise Presidente ti mangibagi ken mangitandudo iti pagimbagan dagiti amin a Filipino, agraman dagiti adda iti ballasiw-taaw, isu a masapul nga agtalinaed nga aktibo a makilangen kadagiti Filipino uray sadino man ti yanda," kuna ti OVP.
Mapan koma ni Duterte iti Kuwait idi Agosto tapno tumabuno iti panagtitipon dagiti OFW nga agkidkiddaw iti pannakawayawaya ni dati a presidente Rodrigo Duterte iti International Criminal Court (ICC) iti The Hague, Netherlands. Ngem saanda a naibaga no apay ta saan a natuloy ti orihinal nga iskediulna iti Kuwait.
Mapukpukaw a nobia, nasarakan iti Pangasinan
Kadagiti naglabas nga interbiu, inkalintegan ni Duterte ti panagbiahena iti ballasiw-taaw, ket kunana a maseknan dagiti Filipino sadiay iti kasasaad ti pagilian babaen ti panagturay ti agdama nga administrasion. (Raymund Antonio/Manila Bulletin//Lito Hilidon/Bannawag)
