Im-imbestigaren ti Bureau of Internal Revenue (BIR) dagiti kontraktor a nairaman iti "ghost project" wenno naanomalia a flood control project, segun ken ni Commissioner Romeo D. Lumagui Jr., ita nga aldaw, Agosto 20.
Iti maysa nga interbiu iti Department of Justice (DOJ), kinuna ni Lumagui a rinugianen ti BIR a kitaen ti tax compliance dagitoy a kontraktor mainaig kadagiti proyektoda kasta met ti sapasap a tax compliance-da.
Napan ni Lumagui iti DOJ a nangipila iti kaso a tax evasion nga aggatad iti ₱711.3 a milion kontra kadagiti 75 a maipagarup nga illegal nga aglaklako iti vape.
Kinuna ni Lumagui a makikokoordinar ti BIR kadagiti dadduma nga ahensia ti gobierno, nangruna iti Department of Public Works and Highways (DPWH) a makaammo kadagitoy a proyekto.
Senado, pinasingkedanna ti ₱6.793-trilion a nailian a badiet para 2026
Kabayatanna, imonmonitor ti BIR dagiti hearing a maar-aramid iti Kamara ken Senado maipapan kadagiti naanomalia a flood control project. (Jeffrey Damicog/Manila Bulletin//Lito Hilidon/Bannawag)
