Impasingked ti International Criminal Court (ICC) Prosecutor a ni Karim Khan nga agtalinaed a kas prosecutor iti kaso ni dati a presidente Rodrigo Duterte iti ICC, kalpasan a kiddawen ti defense team ti pannakadiskualipikarna gapu iti conflict of interest.
Iti 13 a panid a dokumento a naipaskil iti website ti ICC idi Agosto 18, kinuna ni Khan nga awan ti conflict of interest iti pannakipasetna iti napalabas a pannakaimbestigar ti war on drugs nga impatungpal ni Duterte iti Filipinas.
Inlawlawag ni Khan a saan a direkta a nairaman isuna iti panagimbestigar wenno panangimtuod iti asino man a biktima wenno saksi, no di ket nagpaay laeng a kas “pro bono” lawyer iti panangrepaso ken pannakaiparang ti kaso iti dati a prosecutor a ni Fatou Bensouda.
Kinuna ni Khan a naglusulos ken insardengnan ti ania man a pannakipasetna iti kaso kalpasan a maidatag ti kaso ken ni Bensouda.
Mapukpukaw a nobia, nasarakan iti Pangasinan
Impakaammo ni Khan iti Pre-Trial Chamber 1 (PTC I) a tarigagayanna latta nga idauluan ti prosecution iti ania man a kaso manipud iti kasasaad iti Republika ti Filipinas. (Raymund Antonio/Manila Bulletin//Lito Hilidon/Bannawag)
