Nakabayog pay laeng ti Signal No 1 kadagiti luglugar ti Amianan a Luzon bayat a nagbalinen a tropical storm ni “Isang” iti iruruarna iti kadagdagaan ti Luzon nga agturong iti West Philippine Sea (WPS), segun iti bulletin ti Philippine Atmospheric, Geophysical and Astronomical Services Administration (PAGASA) itay alas 5 iti bigat ita a Sabado, Agosto 23.
Itay 5AM, addan ti sentro ni Isang 290 a kilometro iti laud ti Bacnotan, La Union, nga addaan iti maximum sustained winds a 65 kph iti asideg ti sentrona, pugso nga umabot iti 80 kph, ken agpalaud iti peggesna a 25 kph.
Signal No. 1 pay laeng iti Ilocos Norte, Ilocos Sur, La Union, akin-amianan a paset ti Pangasinan (Lingayen, Siudad ti Alaminos, Anda, San Fabian, Mangaldan, Mapandan, Burgos, Siudad ti Dagupan, Binalonan, Bolinao, San Manuel, Sual, Labrador, Bani, Porzorrubio, Laoac, Mabini, Manaoag, Binmaley, San Jacinto, Bugallon, Infanta, Agno, Calasiao, San Nicolas, Santa Barbara, Dasol, ken Sison), Apayao, Abra, Kalinga, ken Mountain Province.
Adda pay laeng met iti Signal No. 1 ti Ifugao, Benguet, akindaya a paset ti Cagayan (Piat, Santo Niño, Tuao, Pamplona, Rizal, Claveria, Lasam, Ballesteros, Abulug, Allacapan, Sanchez-Mira, Santa Praxedes, Aparri, Camalaniugan, Alcala, Amulung, Solana, ken Enrile), agraman ti Babuyan Islands (Calayan Island, Dalupiri Island, ken Fuga Island), akindaya a paset ti Isabela (Cordon, Ramon, San Mateo, Aurora, San Manuel, Roxas, Mallig, Quezon, ken Santa Maria), ken ti amianan a laud a paset ti Nueva Vizcaya (Bayombong, Ambaguio, Villaverde, Kayapa, Santa Fe, Aritao, Bambang, Solano, Bagabag, ken Diadi).
Senado, pinasingkedanna ti ₱6.793-trilion a nailian a badiet para 2026
Agtultuloy nga agpalaud ni Isang ket rummuaren iti Philippine Area of Responsibility (PAR) ita a Sabado, Agosto 23.
Mangyeg met iti naulep a tangatang ken naipattotpatok a tudtudo ti enhanced southwest monsoon (abagat) iti Metro Manila, Central Luzon, Calabarzon, Western Visayas, ken ti dadduma pay a paset ti Mimaropa. (Jose Cielito Reganit/PNA)
