Dakkel ti posibilidad a mabukel ti La Niña a kasasaad ti panawen iti maudi a paset ti 2025, a namkuatan ti Philippine Atmospheric, Geophysical and Astronomical Services Administration (PAGASA) a nangipaulog iti La Niña Watch ita nga aldaw, Agosto 26.
Iti maudi a waragawag ti PAGASA, agtultuloy ti panangmonitorda iti El Niño Southern Oscillation (ENSO) iti tropiko a Pasipiko.
Segun kadagiti datos ti PAGASA, dagiti neutral condition ti ENSO, a kaipapananna ket saan a La Niña wenno El Niño, ti agpaut agingga iti bulan ti Agosto-Septiembre-Oktubre.
Ngem kinuna ti PAGASA a dumakdakkel ti posibilidad a mabukel ti apagbiit a La Niña iti nagbaetan ti Septiembre ken Disiembre.
Senado, pinasingkedanna ti ₱6.793-trilion a nailian a badiet para 2026
Ti La Niña ti mangyeg iti napigpigsa ngem iti gagangayna a tudo ken ad-adu a bagyo iti ngudo ti tawen, a mangpakaro iti peggad ti layus ken panagreggaay ti daga. (Ellalyn De Vera-Ruiz/Manila Bulletin//Lito Hilidon/Bannawag)
