Kinompirmar ni Department of the Interior and Local Government (DILG) Secretary Juanito Victor “Jonvic’’ Remulla ita nga aldaw, Agosto 26, a ni Police Lt. Gen Jose Melencio Nartatez Jr. ti sumukat ken ni Police Gen. Nicolas Torre a kas hepe ti Philippine National Police (PNP).
Ni Nartatez ti agdama nga area police commander para iti Western Mindanao ken ti maikadua a kangatuan nga opisial ti PNP sakbay a naipan sadiay.
Ni Nartatez ti maibilang a kangrunaan a kandidato a kas hepe ti PNP, ngem ni Torre ketdi ti dinutokan ni President Ferdinand “Bongbong’’ Marcos Jr.
Kameng ni Nartatez ti Philippine Military Academy (PMA) Tanglaw-Diwa Class of 1992 ken naituding nga agretiro inton Marso 2027.
Mapukpukaw a nobia, nasarakan iti Pangasinan
Adda pay maysa tawen ken pito a bulan ni Torre nga agpaay a kas daulo ti PNP sakbay a magtengna ni tawen ti panagretirona inton Marso 11, 2027.
Ni Torre ti hepe ti Criminal Investigation and Detection Group (CIDG) a nangidaulo iti pannakaarestar ken pannakaipan ni dati a presidente Rodrigo Duterte iti International Criminal Court (ICC) iti The Hague, Netherlands idi Marso 11.
Nagpaay ni Torre a daulo ti CIDG agingga idi Septiebre 25, 2024 agingga iti pannakadutokna kas hepe ti PNP. (Chito Chavez/Manila Bulletin//Lito Hilidon/Bannawag)
