Impanamnama ni Department of Public Works and Highways (DPWH)-Ilocos Director Ronnel Tan iti publiko nga awan dagiti makunkuna a “ghost project” iti rehion.
Iti naangay a press conference idi Agosto 27, kinuna ni Tan a nainget ti ipatpatungpalda a quality assurance measure ken panaginspeksion kadagiti proyekto.
Segun ken ni Tan, naingetda maipapan iti quality assurance sakbay a bayadanda ti contractor ti proyekto ken ipatpatungpalda ti random inspection kadagiti proyekto.
Kinuna ni Tan nga awan ti panagkunniber wenno substandard a trabaho, ta dagiti naperdi a pasdek ket gapuanan ti didigra kas iti ginggined, ket ti pannakatarimaan dagitoy ket bayadan ti lima a tawen a warranty kalpasan a maipatakder ti proyekto ken bayadan dagiti contractor.
Mapukpukaw a nobia, nasarakan iti Pangasinan
Agingga iti Agosto 27, addan 145 a proyekto ti nairingpas ti DPWH Ilocos regional office, ket 1,716 ti maar-aramid pay laeng, ken 287 ti saan pay a narugian, manipud iti 2,148 a proyekto ita a tawen a naponduan iti ₱49.8 a bilion.
Nupay adda dagiti kontrobersia iti uneg ti DPWH, kinuna ni Tan a saan a dagitoy ti mangibagi iti entero nga ahensia, ta agtrabtrabahoda a maitunos iti panggep ni Presidente Marcos Jr. (Philippine News Agency/Manila Bulletin//Lito Hilidon/Bannawag)
