Pormal a nagsapata ni Major General Harold N. Cabreros (Ret.) a baro nga administrador ken undersecretary iti Office of Civil Defense (OCD) idi Agosto 26, 2025.
Ni National Defense Secretary Gilberto Teodoro Jr. ti namagsapata ken ni Cabreros iti naangay a seremonia iti Camp Aguinaldo, Quezon City. Sinuktanna ni Bernardo Rafaelito Alejandro IV a nagserbi nga officer-in-charge ti ahensia.
Natenneb nga agserbi, iti pannakadutok ni Gen. Cabreros a mangidaulo iti OCD, manamnama nga ad-adda pay a mapasayaat ti komprehensibo a pannakaimanehar ti ti benneg ti civil defense ken disaster resilience programs iti babaen ti National Disaster Risk Reduction and Management Council (NDRRMC).
Sakbay ti pannakadutokna nga administrador, nagserbi ni Cabreros a direktor ti Rehabilitation and Recovery Management Service ti OCD.
24 a Filipino a napilit nga agtrabaho iti Cambodia, nakasublin iti pagilian
Kameng ti Philippine Military Academy Class 1984, simrek iti OCD idi 2017 kalpasan nga agretiro iti military a kas vice commander ti Philippine Army.
Ti OCD ti maysa kadagiti ahensia nga adda iti babaen ti DND ken napusgan a mangyimplementar kadagiti programa ken polisia ti NDRRMC.
Mabigbig nga annabo iti Narvacan, Ilocos Sur ken Isabela, naipaay ken ni Cabreros ti Outstanding Narvacanean Award in the Field of Military Service. (EBContillo)
