Impakaammo ti Malakanyang idi Agosto 27 a mapan ni Presidente Marcos Jr. iti Cambodia para iti state visit, sakbay a dumar-ay iti United Nations General Assembly iti New York, Estados Unidos, inton umay a bulan.
Kinompirmar daytoy ni Undersecretary ti Presidential Communications Office (PCO) Claire Castro a mapan ni Presidente Marcos iti Cambodia para iti state visit manipud Septiembre 7 agingga 9.
Kalpasanna, dumar-ay ti presidente iti taripnong ti United Nations General Assembly (UNGA) iti New York. Naikeddeng ti General Debate ti UNGA manipud Septiembre 23 agingga iti 29.
Daytoy ti maikadua a gundaway a tumabuno ni Presidente Marcos iti UNGA.
Senado, pinasingkedanna ti ₱6.793-trilion a nailian a badiet para 2026
Kinuna ni Castro a ti Department of Foreign Affairs (DFA) ti mangted iti detalye dagitoy a biahe ti presidente. (Argyll Cyrus Geducos/Manila Bulletin//Lito Hilidon/Bannawag)
