Kasarsarita ni Presidente Ferdinand R. Marcos da PNP chief Gen. Nicolas Torre ken DILG Secretary Jonvic Remulla bayat ti pannakarambak ti maika-124 nga anibersario ti Police Service iti PNP Transformation Oval iti Camp Crame, Quezon City, idi Agosto 22, 2025. (Mark Balmores)

Maysa a posision wenno pagtakeman iti gobierno ti maididiaya iti dati a hepe ti Philippine National Police (PNP) a ni Police General Nicolas Torre III, segun iti Malakanyang, maysa nga aldaw kalpasan nga inikkat ni Presidente Marcos Jr.

Kinompirmar ni Palace Press Officer ken Communications Undersecretary Claire Castro nga adda maidiaya ken ni Torre a puesto iti administrasion ni Marcos kalpasan ti pannakaikkat daytoy iti kangatuan a puesto iti PNP.

Nupay kasta, saan nga impalgak ni Castro no ania ti akem a maited ken ni Torre.

"Saanmi pay a maipalgak dagiti detalye ngem kompirmadon nga adda posision a maidiaya kenkuana," kinuna ni Castro iti maysa a Palace briefing idi Mierkoles, Agosto 27.

Nasional

24 a Filipino a napilit nga agtrabaho iti Cambodia, nakasublin iti pagilian

Naikkat ni Torre kas hepe ti PNP idi Martes, Agosto 26, ket sinukatan met a dagus ni Police Lt. Gen. Jose Melencio Nartatez Jr. (Betheena Unite/MANILA BULLETIN)