Kinanunongan ti Commission on Elections (Comelec) en banc ita nga aldaw, Agosto 29, ti pangngeddeng ti Comelec Second Division a nangwaswas iti rehistrasion ti Duterte Youth Party-list.
Iti 12-panid a resolusion, saan a pinatgan ti Comelec en banc ti Motion for Reconsideration (MR) nga indatag ti Duterte Youth Party-list, gapu iti kinakurang ti merito.
Maipalagip a pinatgan ti Comelec Second Division, babaen ti botos a 2-1, ti petision a nangpawaswas iti rehistrasion ti Duterte Youth Party-list.
Da Reeya Beatrice Magtalas, Abigal Aleli tan, Raainah Punzalan, ken Aunell Ross Angco ti nagpetision para iti pannakawaswas ti rehistrasion ti Duterte Youth a kas partylist.
Mapukpukaw a nobia, nasarakan iti Pangasinan
Segun iti Commission en banc, awan ti nasarakanda a nadagsen a rason tapno babawyen wenno balusingsingenda ti pangngeddeng ti Second Division, ta natibker ken maitunos iti linteg ti ebidensia nga ikutda. (Dhel Nazario/Manila Bulletin//Lito Hilidon/Bannawag)
