Pinakdaaran ti Chinese Foreign Ministry ti Filipinas kadagiti pagbanagan ti naipadamag a panangsarungkar ni Foreign Minister ti Taiwan Lin Chia-lung iti pagilian itoy a lawas.
Iti maysa nga statement, kinuna ti panakangiwat ti Chinese Foreign Ministry nga indatagdan ti serioso a protesta iti Manila ken Beijing.
Segun iti Chinese Foreign Ministry, nangipaay ti Filipinas iti pamuspusan para kadagiti Taiwan independence separatist a mangisayangkat kadagiti tignay a maibusor iti China, ken nanglabsing iti One-China Policy gapu ta napalubosan ni Lin a sumarungkar iti Filipinas.
Iti sabali nga statement, saan a pinatalged ken saan met nga inlibak ti Department of Foreign Affairs (DFA) ti naipadamag nga isasarungkar ni Lin a kaduana dagiti Amerikano ken Taiwanese a negosiante.
Senado, pinasingkedanna ti ₱6.793-trilion a nailian a badiet para 2026
Ngem inlawlawag ti DFA nga awan ti binigbig ti Filipinas nga opisial ti Taiwan a kas paset ti gunglo dagiti negosiante a simmarungkar iti Filipinas, ket maitunos daytoy iti One-China Policy.
Ibilang ti China ti Taiwan a kas rebelde a probinsiana, ket insapatana nga agsublinto met laeng daytoy a paset ti China inton agangay. (Raymund Antonio/Manila Bulletin//Lito Hilidon/Bannawag)
