Pinaritan ti detention unit ti International Criminal Court (ICC) dagiti mangsarsarungkar ken ni dati a presidente Rodrigo Duterte a mangipalgak iti publiko iti kasasaad daytoy iti uneg ti pasilidad.
Kinuna ni Bise Presidente Sara Duterte idi Septiembre 1 a mapalubosan laeng isuna a mangpatalged a nasayaat ti kasasaad ti amana.
Segun ken ni Duterte, maipariten a saritaen no ania dagiti napasamak iti uneg ken no ania dagiti napagsasaritaanda iti uneg ti detention facility ti ICC.
Kinuna ti bise presidente a pinalagipan ida ti detention unit a masapul a tungpalenda dagiti kondision iti panangsarungkar.
Senado, pinasingkedanna ti ₱6.793-trilion a nailian a badiet para 2026
Adda ti bise presidente iti The Hague, Netherlands sipud idi napan a bulan tapno sarungkaranna ti amana, a kaduana dagiti kakabsatna a da Davao City Rep. Paolo Duterte, Davao City Mayor Sebastian Duterte, ken Veronica “Kitty” Duterte, gapu iti kiddaw ti amada a kayatna a makita ida amin nga agkakabsat.
Naidarum ti dati a presidente iti crimes against humanity of murder gapu kadagiti rinibu a napapatay iti insayangkatna a war on drugs idi nagakem a presidente, ket sumango iti Pre-Trial Chamber I ti ICC inton Septiembre 23 para iti confirmation of charges hearing. (Raymund Antonio/Manila Bulletin//Lito Hilidon/Bannawag)
