Impaganetget ni Sekretario ti Department of Public Works and Highways (DPWH) Vince Dizon a saan a mabalin nga imbestigaren ti ahensia ti bagbagina, isu a kunana a waswasenna ti nabuangay nga internal investigation team a mangimbestigar kadagiti anomalia dagiti flood-control project ti ahensia.
Iti maysa nga interbiu iti panaglukat ti Hyundai Shipyard iti Subic, Zambales ita nga aldaw, Septiembre 2, kinuna ni Dizon a saan a rumbeng nga imbestigaren ti ahensia ti bukbukodna.
Ammo ni Dizon a nabuangay ti investigation team idi saan pay a naibaga ni Presidente Marcos Jr. nga adda agwaywayas a gunglo a mangimbestigar kadagiti anomalia iti DPWH, ngem ita ta addan mabukel nga agwaywayas a gunglo a mangimbestigar, rumbeng a raemenda daytoy.
Impasigurado ni Dizon nga ania man nga impormasion a nakalap dagiti imbestigador a binukel ti DPWH ket mayawat iti agwaywayas a gunglo a buangayen ni Marcos.
DOH, namakdaar iti posible a pannakadangran iti Traslacion
Inwaragawag daytoy ni Dizon maysa nga aldaw kalpasan ti panangbilinna kadagiti amin a nangato nga opisial ti DPWH a mangidatagda iti courtesy resignation. (Betheena Unite/Manila Bulletin//Lito Hilidon/Bannawag)
