Gapu iti panangbarsakda iti pitak ken panang-spray paint-da iti gate ti opisina ti St. Gerrard Construction a kukua ti pamilia Discaya, mabalin a maidarum dagiti grupo a nagrali sadiay.
Segun daytoy ken ni Pasig City Police Station Chief Hendrix Mangaldan, ita a Septiembre 4. Kinuna nga adda man wenno awan ti permisoda nga agrali, ipakat latta ti PNP ti maximum tolerance, ngem saan a maipalubos ti panagbarsak iti pitak ken vandalism, a mabalin a pakaidarumanda iti kaso a malicious mischief.
Itay 12:00 ti agmatuon (Septiembre 4), napan ni Eastern Police District (EPD) Director Aden T. Lagradante iti lugar tapno kitaenna ti situasion ken makasaritana iti pamilia Discaya no idarumda dagiti nagrali.
Iti pannakasursurat daytoy a damag, awan pay ti statement manipud kadagiti Discaya no agdarumda.
₱800 a nayon iti binulan a sueldo dagiti katulongan iti NCR, marugian inton Pebrero 7
Nupay kasta, kinuna ti abogado ti pamilia Discaya a ni Cornelio Samaniego III a mangipilada iti kaso a kriminal a maibusor kadagiti nangisayangkat iti rali. (Richielyn Canlas/Manila Bulletin//Lito Hilidon/Bannawag)
