Indagadag dagiti nangidarum ken ni dati a presidente Rodrigo Duterte kadagiti ukom ti International Criminal Court (ICC) a saanda koma nga ipalubos a makaruar ni Duterte ta agpeggad ti biagda ken mabalin a mangdadael iti trial.
Iti redacted a dokumento nga indatag ti Office of Public Counsel for Victims (OPCV), sinupiat dagiti maseknan iti kaso ni Duterte ti napabaro a kiddawna nga interim release.
Impaganetgetda a no patgan ti ICC ti interim release ni Duterte, siwawayanton nga agtignay daytoy, uray no adda dagiti kondision, ken di la ket ta balsen ida dagiti pasurot ni Duterte iti Filipinas.
Segun kadagiti biktima, adda latta impluensia ni Duterte ken addan access-na kadagiti ebidensia, agraman ti kinasiasino dagiti agpaay a saksi ti prosecution--banag a mangpataud iti dakdakkel a pammutbuteng ken pananglapped iti panagtulid ti proseso ti hustisia.
Mapukpukaw a nobia, nasarakan iti Pangasinan
Iti sabali a bangir, impakaammo dagiti abogado ni Duterte iti ICC nga insaganadan ti listaan dagiti ebidensia nga iparangda iti confirmation of charges hearing, ngem adda pay ti parikut a kayatda a risuten ti ICC sakbay a maangay ti confirmation of charges hearing inton Septiembre 23. (Argyll Cyrus Geducos/Manila Bulletin//Lito Hilidon/Bannawag)
