Pinirmaan ni Presidente Ferdinand R. Marcos Jr. dagiti linteg a nangideklarar kadagiti paset ti daga iti Tarlac ken dagiti kadadanuman iti aglikmut ti Panaon Island iti Southern Leyte a kas "protected area" segun iti National Integrated Protected Areas System (NIPAS).
Maibasar iti Republic Act (RA) 12237 a pinirmaan ni Marcos idi Agosto 29, dagiti dagdaga iti ili ti Mayantoc ken San Jose iti Tarlac ket mabigbig a kas Mt. Sawtooth Protected Landscape.
Maibasar met iti RA 12238, ti protected area iti Southern Leyte ket mabigbig a kas Panaon Island Protected Seascape.
Babaen dagitoy a linteg, mabukel ti Protected Area Management Board (PAMB) nga idauluan ti regional executive director ti Department of Environment and Natural Resources a pagkamengan dagiti mangibagi iti gobierno ti probinsia ken dagiti dadduma pay a maseknan nga ahensia wenno opisina.
Retirado a heneral, nakemmeg gapu iti panangsugsog a mangtippuog iti gobierno
Maipasdek ti trust fund a mangpondo kadagiti proyekto a maipayakder kadagiti nakuna a protected area. (Ruth Abbey Gita-Carlos/PNA//Lito Hilidon/Bannawag)
