Dinagadag ni FPJ Panday Bayanihan Party-list Rep. Brian Poe ti Manila International Airport Authority (MIAA) a tamingenda koma ti nakanginngina a terminal fee a bayadan dagiti pasahero iti eropuerto.
Ti nangato a terminal fee ti inreklamo ni Poe iti panangimtuodna iti MIAA iti naangay a budget briefing ti Department of Transportation (DOTr) idi Septiembre 4.
Iti laksid ti pannakapapintas ti Ninoy Aquino International Airport (NAIA) nga imatmatonan ti MIAA kas iti pannakaikkat ti daan a hotel a mangwaya iti pannakaipatakder ti Terminal 5, ti baro a shuttle service, ken ti pannakaipatakder ti OFW lounge, kinuna ni Poe a dakkel a gatad ti kasukat dagitoy.
Segun ken ni Poe, mapanen a ₱390 ti domestic terminal fee, idinto a nagbalinen a ₱550 agingga ₱950 ti international terminal fee.
Senado, pinasingkedanna ti ₱6.793-trilion a nailian a badiet para 2026
Kinuna ni Poe a nupay simmayaat dagiti pasilidad ti eropuerto, ngimmato met ti terminal fee a nadagsen a naipabaklay kadagiti pasahero.
Pinalagipan ni Poe ti DOTr a rumbeng a marikna dagiti umili dagiti nagbalbaliwan saan laeng a babaen dagiti napimpintas a pasilidad, no di ket babaen met dagiti gatad a kabaelan ti amin, saan laeng a dagiti sumagmamano a Filipino. (Ellson Quismorio/Manila Bulletin//Lito Hilidon/Bannawag)
