Maysa kadagiti unaen nga aramiden ni Senate President Pro Tempore Panfilo “Ping” Lacson ket ti pannakadalus ti idauluanna a Senate Blue Ribbon Committee, segun iti waragawagna ita a Mierkoles, Septiembre 10.
Kinuna ni Lacson a naituding a mayuna a ti internal cleansing ti komite kalpasan a nainaig ti mapapati nga staff ni Sen. Jinggoy Ejercito Estrada iti maipagarup a “delivery of obligation,” nga a gaganay a pagaammo a kas pasukib, bayat ti congressional hearing idi Martes, Sept. 9.
Binigbig ni Estrada ti tao, a maysa a partikular a Beng Ramos, nga staff ti Blue Ribbon Committee.
“Iti House committee hearing ita nga aldaw (Martes), maysa a Blue Ribbon staff member a binigbig ni Sen. Jinggoy Estrada a kas Beng Ramos ti nainaig iti maipagarup a delivery of obligation a.k.a. ‘lagay’ manipud iti WJ Construction, nga inikkan iti proyekto ni Bulacan 1st DEO Henry Alcantara,” kinuna ni Lacson iti paskilna iti X.
Senado, pinasingkedanna ti ₱6.793-trilion a nailian a badiet para 2026
“Gapu ta diak masigurado no maymaysa laeng ti Beng Ramos iti Blue Ribbon Committee a kabotbotos laeng laeng dagiti kakaduak nga innak idauluan, kas ken ni (Department of Public Works and Highways Secretary) Vince Dizon, siguro ket kasapulan met nga igiddanko nga isayangkat ti ga internal cleansing bayat ti panagtrabahok,” innayonna.
Idi Sept. 9, kinuna ni dati a Bulacan assistant district engineer Brice Hernandez, iti maysa a House inquiry, a nakaawat ni Estrada iti 30-porsiento a kickback manipud iti ₱355 million a gatad ti alokasion para kadagiti flood control project iti Bulacan.
Impakita pay ni Hernandez dagiti retrato ni Estrada a kaduana ni dati a daulo ti Bulacan first engineering district Henry Alcantara--ken dagiti screenshot ti panagsinnukat iti mensahe a nakairamanan ti maipagarup a kameng ti staff ni Estrada a nabigbig a ni Beng Ramos.
Napalalo met ti panangilibak ni Estrada kadagiti alegasion ket kinunana nga awan ti staff member-na nga agnagan iti “Beng Ramos” sipud simrek iti Senado idi 2004. Ngem kinuna ni Estrada a ni Ramos ket staff member ti Blue Ribbon Committee, ken dati a nobia ti maysa kadagiti staff-na iti Senado. (Hannah L. Torregoza/MANILA BULLETIN)
