Kiniddaw ti Department of Public Works and Highways (DPWH) idi Mierkoles, Sept. 10, iti kiniddawna iti Department of Justice (DOJ) a maipaulog ti maysa nga immigration lookout bulletin order (ILBO) kontra iti dati a sekretario ti DPWH a ni Manuel Bonoan, ken dadduma pay a nainaig a imbestigasion kadagiti naanomalia a flood control project.
Iti maysa a panid a surat a naiturong ken ni DOJ Sec. Jesus Crispin Remulla, nagkiddaw pay ni DPWH Secretary Vince Dizon iti ILBO kontra ken ni Mayor Rene Maglangue ti Candaba, Pampanga ken dagiti opisial ti MBB Global Properties Corporation a da Macy Monique Maglangue, presidente; Sunshine M. Bernardo, corporate secretary; ken ni Fatima Gay B. Dela Cruz, tesorera.
Maisaysayangkat ti imbestigasion kadagiti opisial ti DPWH ken dagiti kangrunaan nga opisial dagiti kompania ti konstruksion a mapapati a nairaman kadagiti ghost projects ken/wenno substantard construction dagiti flood control project.
“Kasapulan unay ti naintiempuan a pannakaipaulog ti maysa nga ILBO tapno makapagtultuloy dagiti agdama nga imbestigasion a di maitantan ken tapno mapagsungbat kadagiti Filipino dagiti naglabsing,” kinuna ni Dizon.
Senado, pinasingkedanna ti ₱6.793-trilion a nailian a badiet para 2026
Kiniddaw ti hepe ti DPWH ti pannakaipaulog ti ILBO kontra iti sumagmamano nga opisial ken kontraktor tapno maliklikan ti panangitantan iti agtultuloy nga imbestigasion, kas panangsurot iti ni Presidente Ferdinand R. Marcos Jr. a mapagsungbat dagiti nairaman kadagiti anomalia.
Kiniddawna pay iti Bureau of Immigration (BI) ken dadduma pay a law enforcement agencies nga agalertoda tapno malapdan ti ania man a panangpadas dagiti adda iti watch list a pumanaw iti pagilian. (Ferdinand Patini/PNA)
