Indatag ti Department of Public Works and Highways (DPWH) idi Huebes, Sept. 11, dagiti kaso a graft wenno panagkunniber iti Ombudsman kontra iti 20 nga opisial ti Bulacan 1st District Engineering Office-na ken uppat a pribado a kontraktorna gapu iti maipagarup a dakkel a panagkunniber kadagiti flood control project.

Kinuna ni DPWH Secretary Vince Dizon a ti panagipilada ket panangsurot iti maulit-ulit a bilin ni Presidente Marcos a mapagsungbat kadagiti nairaman iti di umisu a pannakausar ti pondo ti publiko.

“Uray no gagayyem wenno kaaliado, nasken a mapagsungbat ti amin,” impaganetget ni Dizon, a dinakamatna a pangrugian laeng daytoy bayat a maor-organisar pay laeng ti Independent Commissionr.

Personal a napanna insubmiter dagiti kangrunaan a dokumento iti Ombudsman a nakailanadan dagiti mamapati a panaglabsing iti Republic Act No. 3019 (Anti-Graft and Corrupt Practices Act); Artikulo 217 ti Revised Penal Code (Malversation of Public Funds) a mainaig iti Artikulo 171; Republic Act No. 9184; ken dadduma pay a mainaig a linteg.

Nasional

Marcos, Robredo, nagsarak iti Naga city

Dagiti opisial a naidarum ket pakairamanan da:

* Former District Engineer Henry C. Alcantara

* Former Assistant District Engineer Brice Ericson D. Hernandez

* Construction Section Chief Jaypee D. Mendoza

* Construction Section Chief John Michael E. Ramos

* Planning and Design Section Chief Ernesto C. Galang

* OIC Maintenance Section Chief Lorenzo A. Pagtalunan

* OIC Maintenance Section Chief Jaime R. Hernandez

* Quality Assurance Section Chief Norberto L. Santos

* Administrative Section Chief Floralyn Y. Simbulan

* Finance Section Juanito C. Mendoza

* Budget Unit Head Roberto A. Roque

* Procurement Unit Head Benedict J. Matawaran

* Cashier Christina Mae D. Pineda

* Project Engineer Paul Jayson F. Duya

* Project Engineer Merg Jaron C. Laus

* Project Engineer Lemuel Ephraim C. Roque

* Project Engineer Arjay S. Domasig

* Project Engineer John Carlo C. Rivera

* Project Engineer John Benex S. Francisco

* Project Engineer Engr. Jolo Mari V. Tayao

Dagiti kontraktor a naidarum ket pakairamanan sa:

* Sally N. Santos of SYMS Construction Trading

* Mark Allan V. Arevalo of Wawao Builders

* Ma. Roma Angeline D. Rimando of St. Timothy Construction Corporation

* Cezarah Rowena C. Discaya, beneficial owner of St. Timothy Construction Corporation

* Robert T. Imperio of IM Construction Corporation

* JOHN ken/wenno JANE DOES, a maam-amiris pay laeng ti pannakipartisiparda. (Trixee Rosel/MB)