Sinupiat ti National Security Council (NSC) ti panggep ti China a mangipatakder iti national nature reserve iti Bajo de Masinloc (Scarborough wenno Panatag Shoal) iti West Philippine Sea (WPS).
Kinuna ni National Security Adviser (NSA) Eduardo Año nga illegal ti ipatakder ti China a “Huangyan Island National Nature Reserve” ta maikontra daytoy iti internasional a linteg babaen ti panangipaigidda iti kalintegan ti Filipinas, segun iti United Nations Convention on the Law of the Sea (UNCLOS).
Ti Bajo de Masinloc, a ninaganan ti China a kas Huangyan Island, ket adda iti ikub ti 200 nautical miles nga exclusive economic zone (EEZ) ti Filipinas.
Kinuna ni Año a no bukbukodan ti China ti mangipatakder iti “nature reserve,” mangipakita daytoy nga ipilit ti China ti panangkontrolna iti lugar nga awan met ti kalinteganna, ket mailabsing iti 2016 arbitral tribunal ruling a nangwaswas iti tagtagikuaen ti China a “nine-dash line” ken nangipasingked iti kalintegan ti Filipinas iti EEZ.
Marcos, Robredo, nagsarak iti Naga city
Kinuna ti NSA a kasapulan ti panagtitinnulong, panangilukat, ken panangtungpal iti internasional a linteg iti panangsalaknib iti Bajo de Masinloc, saan a bukbukodan laeng ti maysa a partido, a manglimitar iti gundaway dagiti Filipino a mangngalap. (Martin Sadongdong/Manila Bulletin//Lito Hilidon/Bannawag)
