Saan nga anamongan ni Sekretario ti Department of Justice (DOJ) Jesus Crispin C. Remulla ti rekomendasion ni Senador Rodante D. Marcoleta nga agbalin a kas state witness dagiti agassawa a Cezarah ken Pacifico Discaya a maibusor iti anomalia dagiti flood control project.
Segun ken ni Remulla ita nga aldaw, Septiembre 15, saan a kas karina a pagbalinen ti tao a kas state witness ta masapul pay nga agdalanda iti nainget a proseso ti panangtingiting.
Daytoy ti insungbat ni Remulla iti sinao ni Marcoleta a gandat ni Remulla a kapatang daytoy ta kayatna a baliwan ti kapanunotanna mainaig kadagiti Discaya, ket anamongannan a maipasidong dagiti Discaya iti Witness Protection Program ti DOJ.
Itay kallabes, kinuna ni Remulla a masapul nga isubli pay nga umuna dagiti Discaya dagiti naalada a kuarta ti gobierno sakbay nga agbalinda nga state witness.
Mapukpukaw a nobia, nasarakan iti Pangasinan
Pinatalgedan ni Remulla a nagpatangda ken ni Marcoleta ngem saan nga immanamong daytoy nga agbalin nga state witness dagiti Discaya. (Jeffrey Damicog/Manila Bulletin//Lito Hilidon/Bannawag)
