Pimmusay ti maysa a polis ken nasugatan ti maysa pay a polis, a pinaltogan ti padada a polis iti maysa a checkpoint iti Barangay Gaddangao, Rizal, Cagayan idi rabii ti Sabado, Sept. 13/
Segun iti imbestigasion, dimteng iti checkpoint ti suspek a polis a ni "Ali", residente ti Solana, Cagayan, ket pinaturonganna babaen ti Galil rifle a service firearm-na dagiti kakaduana a polis.
Pinadas a pagtalnaen ti dua a polis, a da "Danny" ken "Manny," ti suspek ngem pinaputokanna ida.
Naitaray iti ospital dagiti dua ket naideklarar a natayen ni Danny idi naidanon iti ospital. Nataming met a dagus ni Manny sa naipan iti kalpasanna iti sabali nga ospital.
Nabotosan, baro nga opisial ti Ilocos Sur Provincial Capitol Press Corps
Naarestar met a dagus ni Ali ket addan iti kustodia ti Rizal Police Station bayat nga agtultuloy ti imbestigasion. (Liezle Basa Iñigo/MB)
