Ni Sekretario ti Department of Foreign Affairs (DFA) Ma. Theresa Lazaro ti mangidaulo iti delegasion ti Filipinas iti United Nations General Assembly (UNGA) kalpasan ti waragawag ti Malakanyang nga aglangan ni Presidente Marcos iti taripnong tapno ipamaysana ti atensionna iti parikut ti pagilian.
Segun iti DFA ita nga aldaw, Septiembre 16, ipasingked ni Lazaro ti panagkumit ti Filipinas iti maibasar iti linteg a kinaurnos a pakaraimanan ti adu a pagilian.
Maangay ti UNGA High-Level Week manipud Septiembre 21 agingga iti 27 iti New York City, iti Estados Unidos.
Idi Septiembre 15, kinompirmar ni Undersecretary ti Presidential Communications Office (PCO) Claire Castro a saan a dumar-ay ni Presidente Marcos iti 80th UNGA tapno ipamaysana ti atensionna iti parikut ti pagilian.
Mapukpukaw a nobia, nasarakan iti Pangasinan
Pinusgan ni Marcos ti DFA a mangibagi kenkuana iti UNGA tapno mangitandudo iti interes ti pagilian. (Raymund Antonio/Manila Bulletin//Lito Hilidon/Bannawag)
