Naglusulos ni Leyte 1st district Rep. Martin Romualdez a kas House Speaker bayat ti plenary session idi malem ti Mierkoles, Septiembre 17--maysa a posision a nagakmanna iti 52 nga aldaw laeng, iti agdama a maika-20 a Kongreso.
Napili a kas baro nga Speaker ni Isabela 6th district Rep. Faustino "Bojie" Dy, a kakaisuna a kandidato a nainominar para iti kina-Speaker kalpasan a nagbalin nga opisial ti panaglusulos ni Romualdez.
Naisaruno ti nominal voting kadagiti kameng ti Kamara, a 253 ti nangibotos ken ni Dy, a maysa kadagiti kangrunaan a kameng ti Partido Federal ng Pilipinas (PFP) a partido ni Presidente Marcos Jr.
Agdagup met iti 28 a kongresman ti nag-abstain, idinto nga uppat ti saan a nagbotos. Awan ti negatibo a botos.
Mapukpukaw a nobia, nasarakan iti Pangasinan
Indeklarar ti presiding officer a ni Deputy Speaker Ilocos Sur 2nd district Rep. Kristine Singson-Meehan ni Dy a kas duly-elected a House Speaker kalpasan a nabilang dagiti botos.
Kaaduan kadagiti 28 a nag-abstain ti maekspektar a mangbukel iti baro a minority bloc. (Ellson Quismorio/MB)
