Kinarit ni Marikina City 2nd district Rep. Miro Quimbo ti Department of Budget and Management (DBM) a mangadaptarda koma iti full disclosure policy iti singasing a national budget para iti 2026 ng aggatad iti ₱6.793 a trilion.
Iti naangay a budget hearing ti Department of Public Works and Highways (DPWH) idi Septiembre 17, kinuna ni Quimbo a dagiti mammanday-linteg nga immanamong kadagiti panangisingit para kadagiti proyekto ket masapul a maipan ti naganda iti singasing a badiet, kas maar-aramid iti sistema ti Estados Unidos.
Segun ken ni Quimbo, no adda isingasing ti kongresman wenno senador a proyekto iti national budget, masapul nga ipanda ti naganda.
Inanamongan ni Sekretario ti DPWH Vivencio Dizon ti singasing ni Quimbo, ta maitunos daytoy iti panggep ti administrasion ni Presidente Marcos Jr. a mangitandudo iti accountability. (Ellson Quismorio/Manila Bulletin//Lito Hilidon/Bannawag)
