Inwaragawag dagiti opisial ti Kamara a rugiandan ti plenary debate para iti ₱6.793 a trilion a singasing a 2026 national budget inton Septiembre 22.
Inringpas ti House Committee on Appropriations nga idadauluan ni Nueva Ecija 1st district Rep. Mikaela Angela "Mika" Suansing ti pannakataming ti House Bill (HB) No.4058 wenno ti 2026 General Appropriations Bill (GAB) idi Septiembre 17.
Naibasar ti HB No.4058, a naipila idi Agosto 27, iti National Expenditure Program (NEP) nga inaramid ken indatag ti Department of Budget and Management (DBM) iti Kamara.
Kinompirmar ni Majority Leader Ilocos Norte 1st district Rep. Sandro Marcos ti nasakbay a pannakairingpas ti 2026 GAB, ket kinunana a mangrugi ti panagdedebateda iti Kamara inton Lunes, Septiembre 22, nga agpaut agingga iti parbangon. (Ellson Quismorio/Manila Bulletin//Lito Hilidon/Bannawag)
