Maperperdin, saan laeng a ti Kamara, no di ket pay ti entero a gobierno, gapu kadagiti inaangaw nga ar-aramid ni Cavite 4th district Rep. Francisco "Kiko" Barzaga.
Daytoy ti nabatad a panangdillaw ni Deputy Speaker Iloilo 1st district Rep. Janette Garin iti katrabahuanna iti Kamara a ni Barzaga.
Segun ken ni Guarin, saan laeng a ti Kamara, kas maysa nga institusion, ti maperperdi gapu kadagiti ar-aramiden ni Barzaga, no ket ti sibubukel a gobierno.
Ni Barzaga, a nangnagan iti bagina a kas "congressmeow" (gapu ta naayat kano iti pusa) ket namin-anon a nagipaskil iti social media a manglalais ken mangdildillaw kadagiti opisial ti gobierno manipud it Malakanyang, Kamara, Senado, ken uray dagiti kameng ti gabinete.
Senado, pinasingkedanna ti ₱6.793-trilion a nailian a badiet para 2026
Us-usarenna dagiti hashtag a kas iti #PhilippinesVsRomualdez ken #PhilippinesVsMarcos, nga ibilang dagiti dadduma a kas "inciting to sedition."
Kinuna ni Garin nga idi makasaritana ni Barzaga ket maragragasakan daytoy iti maipapan iti rebolusion, ken pagay-ayatna ti mapaspasamak iti Nepal, a saanna a mapanunot ti nadagsen nga epekto daytoy kadagiti nakurapay a pamilia.
Innayon ni Garin a masapul nga adda pagilasinan no ania ti angaw ken serioso, idinto a saan nga ammo ti publiko no kaano nga agang-angaw, wenno kaano a serioso ni Barzaga. (Ellson Quismorio/Manila Bulletin//Lito Hilidon/Bannawag)
