Naipan iti "high alert" dagiti amin a response office ti Department of Social Welfare and Development (DSWD) iti entero a pagilian bayat ti yaasideg ni Super Typhoon Nando (international name: Ragasa) iti Luzon.
Segun iti Assistant Secretary ken panakangiwat ti DSWD a ni Irene Dumlao, binilin ti DSWD dagiti amin a Disaster Response Management Divisions (DRMD) iti nadumaduma nga opisinada iti pagilian, nga ipakatdan dagiti disaster response protocol.
Kinuna ni Dumlao a naisaganan dagiti taraon ken non-food item kadagiti estratehiko a lugar, idinto a suksukimatendan ti kasasaaad dagiti evacuation center tapno natalged, nalaka a papanan, ken kompleto iti alikamen dagitoy a pagkamangan dagiti pamilia a maawanan iti balay.
Idauluan ti DSWD ti tallo a cluster: ti National Disaster Risk Reduction and Management Council (NDRRMC), ti Food and Non-Food Items, Camp Coordination and Camp Management, ken ti Internally Displaced Persons Protection, a nangipasigurado iti napardas a panagresponde dagiti autoridad.
Kasapulan ti natibker ken nainkalintegan a pagtaktakderan iti parikut iti WPS --NMC
Kinuna ni Dumlao a makikoordinar dagitoy a grupo kadagiti gobierno lokal ken kadagiti disaster risk reduction and management council a mangipatungpal iti nasakbay a pangbakuit ken mangsigurado iti agtutunos a panagrespondeda, nangruna kadagiti lugar a nalaka a maapektaran. (Ellalyn De Vera-Ruiz/Manila Bulletin//Lito Hilidon/Bannawag)
