Amin a dokumento, pakairamanan ti maysa a kompiuter, ken dadduma pay bambanag a naala ti dati nga assistant district engineer ti Department of Public Works and Highways (DPWH) a ni Brice Hernandez ket agdalan iti umisu a proseso tapno mataginayon ti chain of custody, segun ken ni Senate President Pro Tempore Panfilo “Ping” Lacson.
Naiwayat daytoy kalpasan a pinalubosan ti Senado ni Hernandez a rummuar idi Sabado, Sept. 20. tapno agala kadagiti ebidensia kadagiti alegasionna a payoffs ken kickbacks, a pakairamanan dagiti mapapati nga inaramid da Senador Jinggoy Estrada ken Joel Villanueva, ken dati a Rep. Mitch Cajayon-Uy.
Inlibak met da Estrada ken Villanueva dagiti alegasion a manginanaig kadakuada iti anomali ti flood control projects.
“Innalana dagiti aytem a pakairamanan dagiti dokumento ken kompiuter, ngem naiselio pay laeng dagitoy. Surotentayo ti wagas tapno mapreserbar ti chain of custody,” kinuna ni Lacson.
ICC Prosecution, rugianda ti pannakabista iti kaso ni dati a presidente Duterte inton Nobiembre 30
“Masapul a pagtalinaedentayo ti chain of custody tapno no napateg ti ebidensia iti maysa a kaso, saan a makompromiso,” kinuna ti hepe ti Senate Blue Ribbon Committee.
Naituding ti sumaruno a hearing ti Blue Ribbon panel inton Martes, Setiembre 22, mangrugi iti alas 9 iti bigat. (Hannah L. Torregoza/MB)
