Iti biang ti Kamara, nasaysayaat nga itaklindan iti Independent Commission on Infrastructure (ICI) ti pannakaimbestigar kadagiti naanomalia a flood control project, segun ken ni House Speaker 6th district of Isabela Rep. Faustino "Bojie" Dy II.
Iti maysa nga interbiu ita nga aldaw, Septiembre 22, kinuna ni Dy nga itaklindan ti panagimbestigar iti ICI a binukel ti Malakanyang, ta saan met la a patien ti tao ti maar-aramid nga imbestigasion ti Infrastructure Committee (infra comm) ti Kamara.
Nabukel ti infra comm tapno mangimbestigar kadagiti naanomalia a "ghost" flood mitigation project iti gobierno. Duan a hearing ti insayangkat ti infra comm.
Segun ken ni Dy, inaramidna daytoy tapno maipamaysa ti Kamara ti pannakaanamong ti singasing a ₱6.793 a trilion a national budget para iti 2026.
Marcos, Robredo, nagsarak iti Naga city
Naisaad ni Dy a kas daulo ti Kamara idi Septiembre 17. (Ellson Quismorio/Manila Bulletin//Lito Hilidon/Bannawag)
