Maysa a 27-anios a lalaki ti natay gapu iti pannakakimatna iti kangitingitan ti panangsanut ni Super Typhoon Nando iti amianan a Luzon idi Lunes, Septiembre 22, a nakaigapuan ti panagbakwit ti umabot iti 340 a pamilia iti La Union.
Segun iti report manipud iti La Union Provincial Disaster Risk Reduction and Management Office, taga- Aringay ti pimmusay.
Nayakar met dagiti 340 a pamilia iti nataltalged a lugar ken nairamandakadagiti 476 a naapektaran a pamilia wenno 1,529 a tattao manipud iti 48 a barangay kadagiti munisipalidad ti Bangar, Luna, Bagulin, Bauang, Sudipen, Rosario, ken San Juan.
Iti dagup a bilang, 203 a pamilia ti naipan iti 32 nga evacuation center ken 137 a pamilia ti napan pay laeng nagkamang iti pagtaengan dagiti kakabagianda wenno iti sabali a pamilia.
Nabotosan, baro nga opisial ti Ilocos Sur Provincial Capitol Press Corps
Maysa met a balay ti naan-anay a nadadael iti ili ti Luna, ken dua a balay ti di unay nadadael iti Luna ken Sudipen.
Nanggubuay ti napigsa a tudo nga inyeg ni Nando iti layus ken panagreggaay ti daga iti nadumaduma a paset ti probinsia. (PNA)
