Nakaruaren ni Super Typhoon “Nando” (international name: Ragasa) iti Philippine Area of Responsibility (PAR) itay 5:00 iti parbangon, Septiembre 23, ngem nagtalinaed iti Tropical Cyclone Wind Signal (TWCS) No. 3 dagiti tallo a lugar iti Northern Luzon, segun iti Philippine Atmospheric, Geophysical and Astronomical Services Administration (PAGASA).
Kinuna ni PAGASA weather specialist Obet Badrina nga adda ti sentro ti mata ti bagyo iti 265 a kilometro iti laud ti Calayan, Cagayan itay 4:00 iti parbangon, ken agpalaud iti kapardas a 20 a kilometro kada oras.
Nagtalinaed iti Signal No. 3 ti Ilocos Norte, amianan a laud a paset ti Apayao (Calanasan), ken amianan a laud a paset ti daga ti Cagayan (Sanchez Mira, Santa Praxedes, Claveria), agraman ti laud a paset ti Babuyan Island (Panuitan, Calayan, Dalupiri, Mabaag, Barit, ken Fuga Islands).
Naipan iti Signal No. 2 ti Batanes, ti dadduma a paset ti Babuyan Islands, amianan ken sentro a paset ti Cagayan (Iguig, Solana, Tuao, Baggao, Amulung, Piat, Santa Ana, Gattaran, Lal-lo, Gonzaga, Pamplona, Abulug, Ballesteros, Aparri, Camalaniugan, Buguey, Santa Teresita, Allacapan, Lasam, Santo Niño, Alcala, ken Rizal), ti dadduma a paset ti Apayao, Abra, Kalinga, ti laud a paset ti Mountain Province (Besao, Tadian, Sagada, Bauko, Sadanga, Bontoc, Sabangan), amianan a paset ti Benguet (Mankayan, Bakun), Ilocos Sur, ken ti amianan a paset ti La Union (Sudipen, Bangar, Luna, Balaoan, Santol).
Senado, pinasingkedanna ti ₱6.793-trilion a nailian a badiet para 2026
Agtalinaed iti Signal No. 1 dagiti dadduma pay a paset ti Cagayan, Isabela, Quirino, Nueva Vizcaya, amianan ken sentro a paset ti Aurora (Dilasag, Casiguran, Dinalungan, Dipaculao, Maria Aurora), ti dadduma a paset ti Mountain Province, Ifugao, ti dadduma pay a paset ti Benguet, ti dadduma pay a paset ti La Union, Pangasinan, ti amianan a paset ti Zambales (Santa Cruz, Candelaria, Masinloc, Iba, Palauig), ti amianan ken sentro a paset ti Tarlac (Paniqui, La Paz, Moncada, City of Tarlac, San Jose, Gerona, Mayantoc, Pura, San Clemente, Santa Ignacia, Victoria, Camiling, Ramos, San Manuel, Anao), ken ti amianan ken sentro a paset ti Nueva Ecija (Cuyapo, Talavera, Santo Domingo, Rizal, Zaragoza, Llanera, Guimba, Aliaga, Pantabangan, Science City of Muñoz, General Mamerto Natividad, Carranglan, Quezon, San Jose City, Lupao, Nampicuan, Talugtug, Licab, Bongabon).
Nupay rimmuaren ni Nando iti PAR, impakdaar ti PAGASA nga agtultuloy latta dagiti napigsa a tudo iti sumagmamano a lugar iti Northern Luzon. (Ellalyn De Vera-Ruiz/Manila Bulletin//Lito Hilidon/Bannawag)
