Nakaro a pannakadadael ti imbati ni Super Typhoon Nando iti Calayan ken Babuyan Claro Islands iti Cagayan kalpasan a limmabas daytoy iti pagilian ita nga aldaw, Septiembre 23.
Maipakita iti ladawan nga impaskil ti Cagayan Provincial Information Office ita a Septiembre 23 dagiti pagadalan, balay, bilog, ken alikamen a dinadael ti didigra iti dua nga isla.
Maipakita met iti ladawan dagiti tao a mangrugin nga agdalus kadagiti naiwara ken mangtingtingiting iti balor dagiti naperdi.
Ur-urnosen ti gobierno ti probinsia ti tulong para kadagiti biktima ti bagyo.
Senado, pinasingkedanna ti ₱6.793-trilion a nailian a badiet para 2026
Mapan a 6,000 a family food packs ti impaay ti Department of Social Welfare and Development (DSWD)-Region 2 ken ti Provincial Social Welfare and Development Office (PSWDO) kadagiti naapektaran ti bagyo.
Kinadua ida dagiti kameng ti Philippine Coast Guard (PCG), Philippine National Police (PNP), Philippine Army (PA), Philippine Marines (PM), ken Provincial Engineers Office (PEO). (Tristan Lozano/Manila Bulletin//Lito Hilidon/Bannawag)
