Kiniddaw ti Department of Public Works and Highways (DPWH) ita a Mierkoles, Septiembre 24, iti Anti-Money Laundering Council (AMLC) a mai-freeze wenno matengngel ti dandani ₱500 million ti balorna a luxury vehicles ken dandani ₱5 billion ti balorna nga aircrafts (eroplano, helikopter) a mapapati a kukua dagiti opisial ti DPWH ken kontraktor a nairaman kadagiti ghost ken substandard flood control projects.
Kinuna ni Sekretario ti DPWH Vivencio Dizon a panggep ti nasao nga addang a matunton ti ill-gotten wealth ken mapagsungbat dagiti nairaman iti multi-billion peso corruption scheme.
Innayonna a nangisubmitir metten ti DPWH kadagiti asset inventories iti Department of Justice (DOJ) ken iti Independent Commission on Infrastructure (ICI) para iti nayon nga imbestigasion.
Sakupen ti freeze ti ₱474,483,120 a gatad dagiti motor vehicle a nairehistro kadagiti 26 a tattao a maimbestigaran, a pakairamanan da:
Mapukpukaw a nobia, nasarakan iti Pangasinan
* DPWH Bulacan First District engineer Henry Alcantara
* DPWH assistant engineer Brice Hernandez
* DPWH assistant engineer Jaypee Mendoza
* John Michael Ramos
* Ernesto Galang
* Lorenzo Alcoriza Pagtalunan
* Norberto Santos
* Jaime Hernandez
* Floralyn Simbulan
* Juanito Mendoza
* Roberto Roque
* Benedict Matawaran
* Cristina Mae Del Rosario Pineda
* Paul Jayson Fronda Duya
* Merg Jaron Caparas Laus
* Lemuel Ephraim San Diego Roque
* Arjay Salvador Domasig
* John Carlo Cayetano Rivera
* John Benex Santos Francisco
* Jolo Mari Villafuerte Tayao
* Ma. Roma Angeline D. Rimando
* Cezarah Rowena Cruz Discaya
* Pacifico Discaya II
* Mark Allan Villamor Arevalo
* Sally Nicolas Santos
* Robert Tecson Imperio
Insukon ni Hernandez ti maysa kadagiti nangina a luganna iti IC) tapno makitinnulong kadagiti autoridad.
Dagiti nabigbig nga aircraft a matengngel ket pakairamanan dagiti sumaganad:
* Misibis Aviation and Development Corp., AgustaWestland AW1398 — estimated value $16,000,000
* Misibis Aviation and Development Corp., AgustaWestland AW1398 — est. value $16,000,000
* Misibis Aviation and Development Corp., Gulfstream 350 — est. value $36,000,000
* Misibis Aviation and Development Corp., Bell 407 — est. value $3,000,000
* Misibis Aviation and Development Corp., Bell 407 — est. value $3,000,000
* Misibis Aviation and Development Corp., Bell 206B3 — est. value $650,000
* Total Misibis Aviation and Development Corp. — est. value $74,650,000
* Hitone Construction Development Corp., Cessna 414A Chancellor — est. value $700,000
* Hitone Construction Development Corp., Augusta A109E — est. value $6,900,000
* Hitone Construction Development Corp., PA-31-350 Chieftain — est. value $340,000
* Total Hitone Construction Development Corp. — est. value $7,940,000
* QM Builder, Bell 505 — est. value $2,000,000
* Total QM Builder — est. value $2,000,000
Dagiti dadduma pay nga aircraft:
* Bell 206B3
* Bell 407
* AgustaWestland AW1398
* Gulfstream 350
Iti sinapataanna a waragawagna, inadmitir ni Alcantara iti sango ti Senate Blue Ribbon Committee ti pannakikaduana ken ni DPWH Undersecretary Roberto Bernardo a mangiwaras kadagiti komision manipud kadagiti flood control project kada Senador Jinggoy Estrada, Joel Villanueva, dati a senador Bong Revilla Jr., Ako Bicol Rep. Zaldy Co, ken dati Caloocan Rep. Mitch Cajayon.
Nupay kasta, inlibak dagiti nasao nga opisial ti ania man a pannakairamanda kadagiti mapapati a kickback.
Kinuna dagiti dadduma a nagibutaktak bayat ti imbestigasion ti Senado a masansan a mabaliwan ti panag-bid iti proyekto ti gobierno, a dagiti mangabak a kontraktor ket naisapsapa a maikeddeng ken dagiti “takers” a makikoordinar iti Bids and Awards Committee wenno dagiti mangted iti pauna a bayad kadagiti senador ken kongresman.
Nangipaulog met ti DPWH kadagiti show-cause order kadagiti sumagmamano a regional directors ken district engineers ti DPWH gapu iti mapapati a narang-ay unay nga estilo ti panagbiagda, substandard projects, wenno saan a pannakitinnulong kadagiti imbestigasion, kas kadagiti sumaganad:
* RD Gerard Opulencia, NCR, narang-ay unay nga estilo ti panagbiag
* RD Danilo Villa, Region VII, narang-ay unay nga estilo ti panagbiag
* Director Gerald Pacanan, dati nga RD ti IV-B, substandard projects
* RD Khadaffy Tanggol, CAR, saan a nakikooperar iti madama nga imbestigasion
* Brando Raya, ROWALD chief, Region VII, narang-ay unay nga estilo ti panagbiag
* DE Isabelo Baleros, former DE of Las Piñas-Muntinlupa DEO, substandard projects
* DE Almer Miranda, Pampanga 1st DEO, substandard projects
* DE Gil B. Lorenzo, La Union DEO, substandard project
* DE Arturo L. Gonzales Jr., Quezon City 1st DEO, substandard project
* DE Johnny L. Protesta Jr., Quezon City 2nd DEO, substandard project
Impaganetget ni Dizon nga agtalinaed a naikumit ti DPWH iti transparency ken accountability, a mangpatpatibker iti agtultuloy a panagreggetna a mangimbestigar, mangtengngel kadagiti sanikua, ken mangidarum kadagiti opisial a nairaman kadagiti naanomallia a flood control projects. (Trixee Rosel/MB)
