Nakaalan ni Sekretario ti Department of Justice (DOJ) Jesus Crispin C. Remulla iti pammatalged nga awan ti kasona a nakapila iti Office of the Ombudsman (OMB).
Daytoy a clearance ti maysa a rekititos ti Judicial and Bar Council (JBC) tapno awatenda ti aplikasion ni Remulla ken dagiti 16 pay nga aplikante para iti posision nga Ombudsman a nabakante gapu iti panagretiro ni Samuel R. Martires idi Hulio.
Saan nga impalgak ni Remulla ti linaon ti clearance nga impaulog ti OMB.
Ti JBC ti napusgan nga umawat, mangarisit, ken manginominar iti hudikatura, ti OMB, ken iti Legal Education Board. Ni Chief Justice ti Supreme Court Alexander G. Gesmundo ti agpapaay kas ex-officio chairperson.
Senado, pinasingkedanna ti ₱6.793-trilion a nailian a badiet para 2026
Intantan ti JBC ti panagsasaritada idi Septiembre 19, tapno tingitingenda no asino kadagiti 17 nga aplikante ti mainominar kas Ombudsman.
Iti maysa a waragawag, kinuna ti panakangiwat ti SC a maitantan ti deliberasion ti JBC tapno maikkan iti ad-adu nga oras ni Sen. Francis Pangilinan a mangrepaso iti kualipikasion dagiti aplikante.
Ni Pangilinan ti nangsukat ken ni Sen. Alan Peter Cayetano kas ex-officio member ti Senado.
Saan a nababbaba iti tallo ti irekomendar ti JBC ken ni Presidente Marcos Jr., a mangdutok iti sumaruno nga Ombudsman.(Jeffrey Damicog/Manila Bulletin//Lito Hilidon/Bannawag)
