Nagbalinen a Severe Tropical Storm ni Bagyo Opong (international name: Bualoi) nga agpigsa iti 110 a kilometro kada oras, ken pugso nga aginga iti 135 a kilometro kada oras, segun iti Philippine Atmospheric, Geophysical and Astronomical Services Administration (PAGASA) ita nga aldaw, Septiembre 25.
Adda ni Opong iti 440 a kilometro iti daya ti Guiuan, Eastern Samar.
Naipan iti Signal No. 2 ti Catanduanes, ti abagatan a paset ti Albay (Santo Domingo, Legazpi City, Camalig, Rapu-Rapu, Bacacay, Daraga, Jovellar, Manito), Sorsogon, Northern Samar, ti amianan ken sentro a paset ti Eastern Samar (Can-Avid, Maslog, San Policarpo, Taft, Dolores, Jipapad, Oras, Arteche, Sulat, San Julian), ken ti amianan ken sentro a paset ti Samar (San Jorge, San Sebastian, Villareal, Zumarraga, Matuguinao, Pinabacdao, Almagro, Calbayog City, Talalora, Jiabong, Pagsanghan, City of Catbalogan, Gandara, Motiong, Santo Niño, Tagapul-An, San Jose de Buan, Santa Margarita, Tarangnan, Calbiga, Daram, Paranas, Hinabangan).
Adda iti Signal No. 1 ti Albay, Masbate agraman Ticao Island ken Burias Islands, Camarines Sur, Camarines Norte, Marinduque, Romblon, Oriental Mindoro, Occidental Mindoro agraman Lubang Islands, Quezon agraman Polillo Islands, Rizal, Laguna, Batangas, Cavite, Aurora , Metro Manila, Bulacan, Nueva Ecija, Tarlac, Pampanga, Zambales, Bataan, ti sentro ken abagatan a paset ti Isabela (Alicia, San Mateo, Aurora, Ramon, Naguilian, Dinapigue, San Guillermo, Luna, City of Cauayan, Echague, Angadanan, Benito Soliven, City of Santiago, Reina Mercedes, San Agustin, San Manuel, Cabatuan, Gamu, San Isidro, Cordon, Jones, Burgos, San Mariano, Palanan), Quirino, Nueva Vizcaya, Ifugao, ti abagatan a laud a paset ti Mountain Province (Bauko, Sabangan, Tadian), Benguet, ti abagatan a paset ti Ilocos Sur (Sugpon, Alilem), La Union, Pangasinan, ti dadduma a paset ti Eastern Samar, ken ti dadduma a paset ti Samar, Biliran, Leyte, Southern Leyte, ti amianan a paset ti Cebu (Daanbantayan, Medellin, City of Bogo, Tabogon, San Remigio, Borbon, Sogod, Tabuelan, Catmon, Tuburan, Carmen, Danao City, Asturias, Compostela) agraman ti Camotes Island ken Bantayan Island, ti amianan a paset ti Negros Occidental (City of Escalante, Toboso, Calatrava, Sagay City, Cadiz City, Manapla, City of Victorias, Enrique B. Magalona, Silay City, City of Talisay), ti amianan a paset ti Iloilo (San Dionisio, Batad, Balasan, Carles, Sara, Concepcion, Ajuy, Lemery, Barotac Viejo, San Rafael, Banate, Anilao, San Enrique, City of Passi, Bingawan, Calinog, Lambunao, Dueñas, Dingle), Capiz, Aklan, ti amianan ken sentro a paset ti Antique (Libertad, Pandan, Sebaste, Culasi, Tibiao, Barbaza, Bugasong, Laua-An) agraman Caluya Islands, Calamian Islands, Siargao Island, Bucas Grande Island, ken Dinagat Island.
Diosdado Banatao, 76, Cagayano a computer genius, entrepreneur, pimmusay
Impakdaar ti PAGASA nga adda napigsa a tudo iti Bicol Region manipud Huebes iti amlem agingga iti Biernes (Septiembre 26), a mabalin a mangpataud iti lahar kadagiti karayan ken dadduma pay a pagayusan ti danum iti aglawlaw ti Bulkan Mayon a mamagpeggad kadagiti komunidad.
Segun iti Phivolcs, mabalin a maapektaran dagiti Miisi, Binaan, Anoling, Quirangay, Maninila, Masarawag, Muladbucad, Nasisi, Mabinit, Matanag, Basud ken Bulawan Channel. (Ma. Cristina Arayata/PNA//Lito Hilidon/Bannawag)
