Dinutokan ni Presidente Marcos Jr. ni Brian Keith Hosaka a kas executive director ti kabbuangay nga Independent Commission for Infrastructure (ICI) idi Septiembre 24.
Nayawat ti appointment letter ni Hosaka iti daulo ti ICI a ni Andres Reyes Jr. iti isu met laeng nga aldaw.
Nagpaay ni Hosaka a panakangiwat ti Korte Suprema (SC) ken commissioner ti Governance Commission for government-owned and -controlled corporations (GOCCs) iti sidong ti administrasion ni Marcos.
Nagturpos ni Hosaka iti Ateneo de Manila University manipud elementaria agingga iti law school, a nakagun-odanna iti Juris Doctor degree idi 1998. Kalpasan a nakapasa iti 1998 Bar Examinations, nagpaay a law clerk iti SC.
Senado, pinasingkedanna ti ₱6.793-trilion a nailian a badiet para 2026
Maysa ni Hosaka a founding partner ti Paner, Hosaka & Ypil Attorneys-at-Law, ken nagpaay a kas Deputy General Counsel ti Integrated Bar of the Philippines (IBP).
Kaduaen ni Hosaka da Reyes a kas daulo ti komision, ken dagiti kameng a da dati a DPWH Secretary Rogelio Singson ken dati a daulo ti Procurement Policy Board-Technical Rossana Fajardo. (Betheena Unite/Manila Bulletin//Lito Hilidon/Bannawag)
