Inlawlawag ti Department of Foreign Affairs (DFA) itay Septiembre 24 a ti naisayangkat a welfare check para ken ni dati a presidente Rodrigo Duterte iti detention center ti International Criminal Court (ICC) ket paset ti annongen dagiti embahada ken konsulado ti Filipinas iti sangalubongan.
Segun iti DFA, saan a maiduma daytoy kadagit welfare check nga isaysayangkatda kadagit Filipino a naipupok iti sabali a pagilian, kas maitunos iti Vienna Convention on Consular Relations ken paglintegan ti Filipinas a mangsalaknib kadagiti amin a Filipino.
Inwaragawag daytoy ti DFA kalpasan ti panagpungtot ni Bise Presidente Sara Duterte iti welfare check a naaramid nga awan ti pammalubos ti pamilia ti dati a presidente.
Inlawlawag met ni ICC Spokesperson Fadi El Abdallah nga ania man a panangsarungkar iti detention center ti ICC ken nainget a maipatungpal nga adda pammalubos wenno kiddawen ti tao a nakaditene. (Joyce Ann L. Rocamora/PNA//Lito Hilidon/Bannawag)
