Kinompirmar ti Department of Justice (DOJ) ita a Biernes, Septiembre 26, a mangisaysayangkat ti National Prosecution Service (NPS) ti DOJ iti case build-up kontra iti 21 a tattao a pakairamanan da Sen. Francis “Chiz” Escudero, Sen. Jose “Jinggoy” Estrada, ken Sen. Joel Villanueva, para iti posible a pannakaipila kadagiti kriminal a darum kadakuada mainaig kadagiti mapapati nga anomalia kadagiti flood control project.
Iti opisial a press statement ti DOJ, innaganan ti DOJ dagiti sumaganad:
• Kongresman Elizaldy “Zaldy” Co
Mapukpukaw a nobia, nasarakan iti Pangasinan
• Senador Francis “Chiz” Escudero
• Senador Joel Villanueva
• Senador Jose “Jinggoy” Estrada
• Alias “Beng Ramos”
• Alias “Mina”
• Undersecretary Mary Mitzi “Mitch” Lim Cajayon-Uy
• Maynard S. Ngu
• Dati a senador Ramon “Bong” Revilla Jr.
• Carleen Y. Villa
• Undersecretary Roberto R. Bernardo
• Engineer Henry C. Alcantara
• John Carlo Rivera
• Linda “Victoria” Macanas
• Juanito Mendoza, CPA
• Sally Nicolas Santos
• Jesse Mahusay
• Alias “Andrei Balatbat”
• Engineer Brice Ericson D. Hernandez
• Engineer Jaypee D. Mendoza
• Engineer Arjay D. Domasig
“Direkta a nagtaud daytoy a rekomendasion (a pannakaipila dagiti kaso) manipud kadagiti sinapataan a testimonia da Engineer Henry Alcantara, Engineer Brice Hernandez, Engineer Jaypee Mendoza, ken dati nga Undersecretary Roberto Bernardo," kuna ti statement.
Segun pay iti statement, "dagiti inwaragawag dagiti nagtestemonia ti nangipaay iti pagbatayan tapno mabigbig dagiti nainaganan a tattao kas addaan iti umdas a damo a pakainaigan kadagiti maimbestigaran nga aramid.”
Inlawlawag met ti DOJ a ti pannakairaman iti rekomendasion ti National Bureau of Investigation (NBI) ket “saan a banag nga ispekulasion wenno sasao (no di) ket resulta ti nasapataan a testimonia nga under oath.” (rva)
