Innaganan ni Papa Leo XIV idi Mierkoles, Septiembre 24, ti kasukat ti ni New Orleans (USA) Archbishop Gregory M. Aymond, dua a lawas kalpasan nga immanamong ti rArkidiosesis iti $230 a milion a naisingasing a pangareglo a bayad para kadagiti biktima ti seksual a pannakaabuso nga aramid dagiti padi.
Ninaganan ti kaunaan a papa manipud iti US ni Bishop James Checchio ti Metuchen, New Jersey, a kas coadjutor bishiop ti New Orleans. Automatiko a suktan ni Checchio ni Aymond no agretiro daytoy.
Ni Checchio, 59, ti nangtaming iti iskandalo iti Metuchen idi 2018 a di maiparbeng a seksual nga aramid ti maysa kadagiti sinarunona a ni Cardinal Theodore McCarrick. Sakbay a simmangpet iti Metuchen idi 2016, nagserbi ni Checchio kas rektor ti US Seminary iti Roma iti maysa a dekada.
Immanamong ti Arkidiosesis ti New Orleans idi Septiembre 8 iti $230 a milion a naisingasing nga areglo tapno magibusan ti maysa kadagiti kapautan ken mapagsusupiatan unay nga abuse claim iti simbaan iti US. Indawat ti arkidiosesis idi Mayo nga agbayad iti di kumurang a $179.2 a milion kas sungbat iti nasurok a 500 ng abuse claims, ngem saan nga immannugot dagiti abogado dagiti biktima ta nababa unay ti singasing.
Damag nga adda OFW a nairaman iti uram iti Hong Kong, im-imbestigaren ti DFA
Saan nga intaltalek ni Aymond dagiti awag para iti panaglusulosna, a nangtignay iti maysa a nasaknap a panaginbestigar ti FBI ken nanggubuay iti krisis para iti Simbaan a Katoliko. (Associated Press)
