Inikkan ni House Speaker Faustino "Bojie" Dy III ti ultimatum ni Ako Bicol Party-list Rep. Zaldy Co nga agawiden iti pagilian agingga iti Septiembre 29.
Ni Co ti maysa kadagiti kangrunaan a tao a nairaman iti panagkunniber iti flood control project, a napan nagpaagas iti ballasiw-taaw.
Iti maysa a surat nga impatulod ni Dy ken ni Co ita nga aldaw, Septiembre 26, inikkanna ti gundaway ni Co nga agawid iti pagilian agingga iti Lunes, Septiembre 29, tapno sanguenna dagiti isyu maibusor kenkuana.
Imballaag ni Dy a no saan a makatungpal ni Co, maibilang daytoy a panagkedked iti nainkalintegan a proseso ti Kamara ket mabalin nga agbanag iti maitutop a pannusa ken legal nga aksion.
Phivolcs: Bulkan Mayon, nagtalinaed nga aktibo
Ngem impanamnamana met a no agawid ni Co, makikoordinar ti Kamara kadagiti autoridad a mangipaay iti seguridad ni Co ken iti pamilia daytoy. (Ellson Quismorio/Manila Bulletin//Lito Hilidon/Bannawag)
